பாதாள உலகக் குழுத் தலைவர் கணேமுல்ல சஞ்சீவ கொலை வழக்கில் தேடப்படும் பெண் சந்தேகநபரான இஷாரா செவ்வந்தி இலங்கையிலிருந்து தப்பிச் செல்லவில்லை என்று பொதுப் பாதுகாப்பு அமைச்சர் ஆனந்த விஜேபால கூறியுள்ளார்.

தொலைக்காட்சி நேர்காணலின் போது பேசிய அமைச்சர் விஜேபால இதுவரை சேகரிக்கப்பட்ட தகவல்கள் அவர் நாட்டை விட்டு ஓடிவிட்டதாகக் கூறவில்லை என்று கூறினார்.

இந்த விவகாரம் தொடர்பாகu நடைபெற்று வரும் விசாரணைகளின் போது கொலை தொடர்பான தகவல்கள் மற்ற சந்தேக நபர்களிடமிருந்து சேகரிக்கப்பட்டுள்ளதாக அவர் மேலும் கூறியுள்ளார்.

இந்தக் கொலை தொடர்பாக குற்றப் புலனாய்வுத் திணைக்களம் முறையான விசாரணைகளை மேற்கொண்டு வருவதாக அமைச்சர் விஜேபால மேலும் தெரிவித்தார்.

இந்த ஆண்டு பிப்ரவரியில் கணேமுல்ல சஞ்சீவ சுட்டுக் கொல்லப்பட்ட கொழும்பு நீதிமன்ற வளாகத்திற்குள் ஆயுதத்தை எடுத்துச் சென்று துப்பாக்கிதாரியிடம் ஒப்படைத்ததற்காக இஷாரா செவ்வந்தி தேடப்படுகின்றமை குறிப்பிடத்தக்கது.