அனுர குமார திஸாநாயக்க தலைமையிலான அரசாங்கம், நாட்டில் நிலவும் அரிசி பற்றாக்குறையை சமாளித்து விலைகளை கட்டுப்படுத்தும் நோக்கில் புதிய ஒழுங்குவிதிகளை அறிவித்துள்ளது.

1969 ஆம் ஆண்டின் இறக்குமதி மற்றும் ஏற்றுமதி (கட்டுப்பாட்டு) சட்டத்தின் கீழ் வெளியிடப்பட்ட விசேட வர்த்தமானி அறிவித்தலின் மூலம், “2026 ஆம் ஆண்டின் 03 ஆம் இலக்க இறக்குமதி மற்றும் ஏற்றுமதி (கட்டுப்பாட்டு) ஒழுங்குவிதிகள்” அமுலுக்கு கொண்டு வரப்பட்டுள்ளன.

இந்த புதிய விதிமுறைகளின் படி, GR 11, பொன்னி சம்பா, சம்பா மற்றும் கீரி சம்பாவிற்கு மாற்றான கிரி/பால் பொன்னி உள்ளிட்ட சில அரிசி வகைகளை இறக்குமதி செய்ய ‘இறக்குமதி கட்டுப்பாட்டு உரிமம்’ பெறுவதிலிருந்து விலக்கு வழங்கப்பட்டுள்ளது.

மேலும், 2026 ஏப்ரல் 02 முதல் ஏப்ரல் 30 வரை கப்பலில் ஏற்றப்பட்ட அரிசி மட்டுமே இந்த சலுகைக்கு உட்படும் என தெரிவிக்கப்பட்டுள்ளது. ஒரே இறக்குமதியாளர் அதிகபட்சமாக 1,040 மெட்ரிக் தொன் வரை மட்டுமே அரிசி இறக்குமதி செய்ய அனுமதி வழங்கப்பட்டுள்ளது.

இதேவேளை, இறக்குமதி செய்யப்பட்ட அரிசி 2026 மே 31க்குள் இலங்கை சுங்கத்திலிருந்து விடுவிக்கப்பட வேண்டும் எனவும் அறிவிக்கப்பட்டுள்ளது இந்த ஒழுங்குவிதிகள் 2026 ஏப்ரல் 02 முதல் அமுலுக்கு வந்துள்ளதாக அரசு தெரிவித்துள்ளது.