இலங்கைக்கு சுத்திகரிக்கப்பட்ட எரிபொருள் சரக்குகள் இன்று (ஏப்ரல் 13) வந்து சேரும் என இலங்கை பெற்றோலிய கூட்டுத்தாபனம் தலைவர் ஜனக ராஜகருண தெரிவித்துள்ளார்.

நாட்டில் எரிபொருள் பற்றாக்குறை ஏதும் இல்லாமல் போதுமான கையிருப்பு பராமரிக்கப்பட்டு வருவதாகவும், கோரப்பட்ட சரக்குகள் திட்டமிட்டபடி கிடைக்கும் என்றும் அவர் குறிப்பிட்டுள்ளார்.

மேலும், 30,000 மெட்ரிக் டன் உலை எண்ணெய் சரக்கும் இன்று வந்துசேரும் என எதிர்பார்க்கப்படுவதாக தெரிவிக்கப்பட்டுள்ளது.

இதற்கிடையில், நேற்று நள்ளிரவு முதல் ஏப்ரல் 18ஆம் தேதி வரை பெற்றோலில் இயங்கும் வாகனங்களுக்கு கியூஆர் குறியீடு (QR code) இன்றி எரிபொருள் வழங்கப்படும் என்றும் அறிவிக்கப்பட்டுள்ளது.

ஆனால், தற்போது நடைமுறையில் உள்ள ஒற்றை-இரட்டை (odd-even) எரிபொருள் விநியோக முறையில் எந்த மாற்றமும் இல்லை என்றும் அவர் மேலும் தெரிவித்துள்ளார்.