சர்வதேச ரீதியில் அங்கீகரிக்கப்பட்ட “அமைதிக்கான எஹிபசிகோ நடை” இன்று (23) இரண்டாம் நாளை எட்டியுள்ளது.

இன்றைய நடைப்பகுதி, மாத்தளை அலுவிஹாரே புனித குகை ஆலயம் இருந்து ஆரம்பித்து, கண்டி புனித பல் நினைவுச்சின்ன ஆலயம் வரை நடைபெறுகிறது.

இந்த அமைதி நடை, நேற்று (22) தம்புள்ளை புனித நகரம் பகுதியில் இருந்து ஆரம்பிக்கப்பட்டது. வியட்நாமைச் சேர்ந்த வணக்கத்திற்குரிய பண்ணகர தேரர் தலைமையிலான பிக்குகள் குழு இதை தொடங்கி வைத்தது.

இந்த நிகழ்வின் நோக்கம் ஒற்றுமை, இரக்கம் மற்றும் நல்லிணக்கத்தை உலகளவில் பரப்புவதாகும். புனித போதி மரக்கன்றுகளும் ஊர்வலமாக எடுத்துச் செல்லப்படுகின்றன.

முன்னதாக, அமெரிக்காவில் டெக்சாஸிலிருந்து வாஷிங்டன் வரை 110 நாட்கள் அமைதி நடைப்பயணம் மேற்கொண்ட பௌத்த பிக்குகள் குழு, உலகளவில் கவனம் பெற்றது குறிப்பிடத்தக்கது.

இந்த இலங்கை நிகழ்வு ஏப்ரல் 28 வரை அரச அனுசரணையுடன் நடைபெறுகிறது. பிக்குகள் குழுவுடன் “அலோகா” என்ற நாயும் பயணத்தில் கலந்து கொள்வது சிறப்பு அம்சமாகும்.