யாழ்ப்பாணம் நடைபெற்ற சந்திப்பில்மாகாணசபைத் தேர்தலை உடனடியாக நடத்த அரசாங்கத்திற்கு அழுத்தம் கொடுக்க வடக்கும் தெற்கும் சேர்ந்த அரசியல் கட்சிகள் ஒன்றிணைய வேண்டும் என இணக்கம் எட்டப்பட்டுள்ளது.

தந்தை செல்வாவின் நினைவு தின நிகழ்வில் பங்கேற்க வந்த ஜி.எல்.பீரிஸ் மற்றும் இலங்கை தமிழரசு கட்சி, ஜனநாயக தமிழ் தேசியக் கூட்டமைப்பு பிரதிநிதிகள் இடையே இந்த கலந்துரையாடல் இடம்பெற்றது.

தேசிய மக்கள் சக்தி ஆட்சிக்கு வந்த ஒரு ஆண்டிற்குள் மாகாணசபைத் தேர்தலை நடத்துவதாக வழங்கிய வாக்குறுதி இதுவரை நிறைவேற்றப்படாதது குறித்து அதிருப்தி வெளியிடப்பட்டது.

அத்துடன், அரசியலமைப்பின் 13ஆவது திருத்தத்தின் கீழ் மாகாணசபை முறைமையை முழுமையாக செயல்படுத்த வேண்டிய அவசியம் வலியுறுத்தப்பட்டதுடன், இதற்காக இணைந்த போராட்டங்களை முன்னெடுக்கவும் தீர்மானிக்கப்பட்டது.

மேலும், கரு ஜயசூரிய தலைமையிலான சமூக நீதிக்கான தேசிய இயக்கத்துடன் இணைந்து எதிர்காலத்தில் அரசாங்கத்தின் மீது அழுத்தம் அதிகரிக்கவும் ஆலோசிக்கப்பட்டுள்ளது.