நாட்டின் தொழிலாளர் நலனை முன்னிலைப்படுத்தும் வகையில், பாதுகாப்பான மற்றும் சீர்தரமான பணிச்சூழலை உருவாக்க அரசு உறுதிபூண்டுள்ளதாக பிரதமர் அறிவித்துள்ளார் வேலைத்தளங்களில் ஏற்படும் விபத்துகள், சுகாதார சிக்கல்கள் மற்றும் பாதுகாப்பு குறைபாடுகளை குறைப்பதற்கான விரிவான நடவடிக்கைகள் மேற்கொள்ளப்படும் எனவும் அவர் குறிப்பிட்டார்.

இந்த முயற்சியின் ஒரு பகுதியாக, தொழிற்சாலைகள், கட்டுமான தளங்கள் மற்றும் சேவைத் துறைகளில் பாதுகாப்பு விதிமுறைகள் கடுமையாக அமல்படுத்தப்பட உள்ளன. தொழிலாளர்களுக்கு தேவையான பாதுகாப்பு உபகரணங்கள் வழங்கப்படுவது கட்டாயமாக்கப்படும் என்றும், பாதுகாப்பு நடைமுறைகளை பின்பற்றாத நிறுவனங்களுக்கு எதிராக கடுமையான சட்ட நடவடிக்கைகள் எடுக்கப்படும் என்றும் தெரிவிக்கப்பட்டுள்ளது.

மேலும், தொழிலாளர்களுக்கு பாதுகாப்பு பயிற்சிகள் வழங்குதல், வேலை நேர ஒழுங்குமுறை, மற்றும் மனநலம் உள்ளிட்ட அம்சங்களிலும் கவனம் செலுத்தப்படும் என பிரதமர் வலியுறுத்தினார்.

இது மட்டுமல்லாது, தொழிலாளர் குறைகளை விரைவாக தீர்க்கும் முறைமைகளும் மேம்படுத்தப்படும் என கூறப்பட்டது.
இந்த அறிவிப்பு, தொழிலாளர் அமைப்புகள் மற்றும் மனித உரிமை செயற்பாட்டாளர்களால் வரவேற்கப்பட்டுள்ளதுடன், நாட்டின் உற்பத்தித் திறன் மற்றும் பொருளாதார முன்னேற்றத்துக்கும் இது சாதகமாக இருக்கும் என நிபுணர்கள் கருத்து தெரிவிக்கின்றனர்.