நடிகர் விஜய், நடிகைகள் பூஜா ஹெக்டே, மமிதா பைஜூ உள்ளிட்டோர் நடித்துள்ள ஜனநாயகன் திரைப்படத்திற்கு தணிக்கை சான்றிதழ் வழங்க மறுத்து, அந்த படத்தை மறுஆய்வு குழுவுக்கு அனுப்பிய மத்திய திரைப்பட தணிக்கை வாரியத்தின் (CBFC) நடவடிக்கையை எதிர்த்து தாக்கல் செய்யப்பட்ட மேல்முறையீடு மனுவை உச்சநீதிமன்றம் தள்ளுபடி செய்துள்ளது.
இந்த வழக்கில், திரைப்பட தயாரிப்பாளர் தரப்பில் தாக்கல் செய்யப்பட்ட மனுவில், தணிக்கை வாரியம் சான்றிதழ் வழங்காமல் மறுஆய்வு குழுவுக்கு அனுப்பியது நியாயமற்றது என வாதிடப்பட்டது. மேலும், இது படைப்புச் சுதந்திரத்திற்கு எதிரானது என்றும் கூறப்பட்டது.
ஆனால், மனுவை விசாரித்த உச்சநீதிமன்றம், திரைப்படங்களுக்கு சான்றிதழ் வழங்குவது தொடர்பாக தணிக்கை வாரியத்துக்கும் மறுஆய்வு குழுவுக்கும் உரிய அதிகாரம் உள்ளது எனக் கூறி, தயாரிப்பாளர் தரப்பின் வாதங்களை ஏற்க மறுத்தது. அதனால் மேல்முறையீடு மனு தள்ளுபடி செய்யப்பட்டது.
இதன் மூலம், ‘ஜனநாயகன்’ படம் தொடர்பான தணிக்கை விவகாரம் மீண்டும் மறுஆய்வு குழுவின் பரிசீலனைக்கு உட்படுத்தப்படும் என்பது உறுதியாகியுள்ளது. மறுஆய்வு குழுவின் முடிவுக்கு பின்னரே, படத்திற்கு சான்றிதழ் வழங்கப்படுமா அல்லது கூடுதல் திருத்தங்கள் கோரப்படுமா என்பது தெளிவாகும்.
இந்த தீர்ப்பைத் தொடர்ந்து, திரைப்படத் துறையில் தணிக்கை நடைமுறைகள் மற்றும் படைப்புச் சுதந்திரம் குறித்த விவாதங்கள் மீண்டும் தீவிரமடைந்துள்ளன.
3 Comments