இலங்கை கடற்படையினரால் கைது செய்யப்பட்ட தமிழ்நாட்டு மீனவர்களையும், அவர்களது படகுகளையும் பாதுகாப்பாக விடுவிக்கக் கோரி தமிழ்நாடு முதலமைச்சர் மு.க. ஸ்டாலின் இந்திய மத்திய அரசாங்கத்தை வலியுறுத்தியுள்ளார்.
இது தொடர்பாக அவர் இந்திய வெளியுறவுத் துறை அமைச்சர் ஜெய்சங்கருக்கு கடிதம் ஒன்றை அனுப்பியுள்ளார்.
இன்று இராமநாதபுரம் மாவட்டம் இராமேஸ்வரத்தைச் சேர்ந்த 8 கடற்றொழிலாளர்களும் அவர்களது மீன்பிடி படகும் Â இலங்கை கடற்படையினரால் சிறைபிடிக்கப்பட்டுள்ளது.
இந்தச் சம்பவம் குறித்து தனது கடிதத்தில் குறிப்பிட்டுள்ள முதலமைச்சர் ஸ்டாலின், மீன்பிடி தொடர்பான பிரச்சினைகளைக் கையாள்வதில் கட்டுப்பாடு மற்றும் பரஸ்பர புரிதலை உறுதி செய்யுமாறு இலங்கை அதிகாரிகளுடன் உரிய இராஜதந்திர நடவடிக்கைகளை முன்னெடுக்குமாறும் மத்திய அரசிடம் கோரியுள்ளார்.
தமிழக மீனவர்களின் பாதுகாப்பையும், அவர்களது வாழ்வாதாரத்தையும் உறுதி செய்யும் வகையில் மத்திய அரசு உடனடியாக தலையிட வேண்டும் என்பதே தமிழகத்தின் எதிர்பார்ப்பாக உள்ளது.
3 Comments