இந்திய ஜனாதிபதி திரௌபதி முர்மு சி.பி.ராதாகிருஷ்ணனுக்கு துணை ஜனாதிபதியாக பதவி பிரமாணம் செய்து வைத்த நிலையில்.

இன்று காலை பாராளுமன்ற மைய மண்டபத்தில் பதவியேற்பு விழா நடைபெற்றதோடு இந்த நிகழ்வில் இந்திய மத்திய உள்துறை அமைச்சர் அமித் ஷா உள்ளிட்ட பலர் கலந்து கொண்டனர்.

இந்தியாவின் 15வது துணை ஜனாதிபதியாக பதவியேற்ற சி.பி.ராதாகிருஷ்ணன் ஜனாதிபதி முன்னிலையில் காப்பு உறுதிமொழியும் எடுத்துக்கொண்டார்.

இதைத் தொடர்ந்து சி.பி.ராதாகிருஷ்ணன் பாராளுமன்றத்தில் துணை ஜனாதிபதிக்கு ஒதுக்கப்பட்டுள்ள அறைக்கு சென்று பொறுப்புகளை ஏற்றுக் கொள்வார் எனவும் குடியரசு துணைத் தலைவராக இருந்த ஜகதீப் தன்கா் உடல்நிலை கோளாறு காரணமாக கடந்த ஜூலை 21-ஆம் திகதி தனது பதவியை ராஜிநாமா செய்திருந்த நிலையில் அப்பதவிக்கு கடந்த செவ்வாய்க்கிழமை தோ்தல் நடத்தப்பட்டது.

இதில் பாஜகவின் என்டிஏ கூட்டணி சார்பில் சி.பி. ராதாகிருஷ்ணன் இந்தியா கூட்டணி சார்பில் இந்திய உச்சநீதிமன்ற முன்னாள் நீதிபதி சுதர்சன் ரெட்டி போட்டியிட்டனர்.

இதில் சுதா்சன் ரெட்டி 300 வாக்குகள் பெற்ற நிலையில் அவரைவிட 152 வாக்குகள் கூடுதலாக 452 வாக்குகள் பெற்று சி.பி.ராதாகிருஷ்ணன் வெற்றி பெற்றாா்.

துணை ஜனாதிபதியாக பதவியேற்க உள்ளதை ஒட்டி சி.பி.ராதாகிருஷ்ணன் தான் வகித்து வந்த மகாராஷ்டிரா மாநில ஆளுநர் பதவியை ராஜினாமா செய்தமை குறிப்பிடத்தக்கது.