தமிழக சட்டசபைத் தேர்தலுக்கு இன்னும் ஒரு மாதம் கூட இல்லாத நிலையில் அரசியல் கட்சிகள் தேர்தல் பணிகளில் இறங்கியுள்ளனர். தொகுதிப் பங்கீடு, வேட்பாளர்கள் அறிவிப்பு, பிரச்சாரம் என பணிகளை தீவிரப்படுத்தியுள்ளன. தி.மு.க தொகுதி பங்கீட்டை நிறைவு செய்து வேட்பாளர்கள் பட்டியலை வெளியிட உள்ளது. அ.தி.மு.க 150 தொகுதிகளில் போட்டியிடும் வேட்பாளர் பட்டியலை வெளியிட்டுள்ளது. அதில் 17 பெண் வேட்பாளர்களுக்கு வாய்ப்பு வழங்கப்பட்டுள்ளது. 

அ.தி.மு.க கூட்டணியில் உள்ள பா.ஜ.க-வும் வேட்பாளர்கள் அறிவிப்பினை வெளியிட்டுள்ளது. அந்த வகையில் அ.தி.மு.க - பா.ஜ.க கூட்டணியில் உள்ள அ.ம.மு.க சனிக்கிழமை வேட்பாளர் லிஸ்டை வெளியிட்டு உள்ளது. அதன்படி, சென்னை அடையாறில் உள்ள கட்சி அலுவலகத்தில் இன்று காலை 11 மணிக்கு அ.ம.மு.க பொதுச்செயலாளர் டிடிவி தினகரன் வேட்பாளர்கள் பட்டியலை வெளியிட்டார். இந்த தேர்தலில் என்.டி.ஏ கூட்டணியில் 11 தொகுதிகளில் அ.ம.மு.க போட்டியிட உள்ளது.

அதாவது, சைதாப்பேட்டை, திருப்பத்தூர், ஒட்டபிடாரம், திருவையார், பெரியகுளம், காரைக்குடி , திருச்சி மேற்கு, மன்னார்குடி, பூந்தமல்லி, மடத்துக்குளம், நாங்குநேரி ஆகிய 11 தொகுதிகளில் அ.ம.மு.க போட்டியிடுகின்றது. இந்த தொகுதிகளில், யார் போட்டியிடுகிறார்கள் என்ற பட்டியல் வெளியாகியுள்ளது.

வேட்பாளர் பட்டியல்

திருச்சி மேற்கு - தொடியம் ராஜசேகரன்

சைதாப்பேட்டை - செந்தமிழன்

பூந்தமல்லி - ஏழுமலை

மடத்துக்குளம் - சி.வி சண்முகவேல்

நாங்குநேரி - இசக்கிமுத்து

பெரியகுளம் - கதிர்காமு

மன்னார்குடி - எஸ் காமராஜ்

திருவையாறு - வேலு கார்த்திகேயன்

காரைக்குடி - தேர்போகி பாண்டி

திருப்பத்தூர் - ஞானசேகரன்

ஓட்டப்பிடாரம் - சுந்தர்ராஜன்

இதில் முன்னாள் அமைச்சர்கள் சி சண்முகவேல், செந்தமிழன் ஆகிய இரண்டு பேருக்கு டிடிவி தினகரன் வய்ப்பு அளித்துள்ளார்.

Â