ஹோர்முஸ் நீரிணை முடக்கப்பட்டதால் உலகப் பொருளாதாரம் ஏற்கனவே பெரும் பாதிப்பை எதிர்கொள்வதில், மற்றொரு முக்கிய கடல் வழித்தடமான சூயஸ் கால்வாயைப் பற்றியும் அமெரிக்கா கவலை வெளிப்படுத்தியுள்ளது.

ஈரானின் ஆதரவு அமைப்பான யேமனின் ஹுதி அமைப்பினர் சூயஸ் கால்வாயை முடக்கினால், உலகப் பொருளாதாரம் மீளமுடியாத சரிவை சந்திக்கும் என அமெரிக்க செனட்டர் கிறிஸ் மர்பி எச்சரித்துள்ளார்.

உலக வர்த்தகத்தில் சுமார் 15% வழிகள் சூயஸ் கால்வாயில் நடைபெறுகிறது. இது ஆசியா மற்றும் ஐரோப்பாவிற்கு இடையிலான மிக வேகமான கடல் வழியாகும். ஹோர்முஸ் நீரிணை முடக்கத்தால் உலக எண்ணெய் விநியோகத்தில் ஏற்கனவே 20% பாதிப்பு ஏற்பட்டுள்ளது. தற்போது சூயஸ் கால்வாயும் அச்சுறுத்தலுக்கு உள்ளாகியுள்ளதால், எரிபொருள் விலை மேலும் அதிகரிக்க வாய்ப்பு உள்ளது.

சூயஸ் கால்வாய் மத்திய தரைக்கடல் மற்றும் செங்கடலை இணைக்கிறது மற்றும் சுமார் 30% கொள்கலன் போக்குவரத்தைக் கையாள்கிறது. ஹோர்முஸ் நீரிணை பாரசீக வளைகுடாவை இந்தியப் பெருங்கடலுடன் இணைக்கும் உலகின் முக்கியமான எரிசக்தி வழித்தடமாகும்.

இந்த இரு முக்கிய வழித்தடங்களும் ஒரே நேரத்தில் முடக்கப்பட்டால், சர்வதேச அளவில் உணவு, எரிபொருள் மற்றும் அத்தியாவசியப் பொருட்களின் விலை முன்னெப்போதும் இல்லாத அளவுக்கு உயரக்கூடும் என பொருளாதார நிபுணர்கள் அச்சம் தெரிவிக்கின்றனர்.