இந்தியாவின் குஜராத் மாநிலத்தில் அரசியல் பரபரப்புக்கிடையில், Aam Aadmi Party (AAP) மாநிலத் தலைவர் இசுதான் காத்வி புதன்கிழமை இரவு ஜாமீனில் விடுவிக்கப்பட்டார்.

தேவ்பூமி த்வாரகா மாவட்டத்தின் காம்பாலியா காவல்துறையினரால், கலவரம் மற்றும் பொது சேவையாளர்களின் கடமையைத் தடை செய்தது உள்ளிட்ட குற்றச்சாட்டுகளின் பேரில் அவர் மற்றும் அவரது ஆதரவாளர்கள் கைது செய்யப்பட்டிருந்தனர்.

ஏப்ரல் 1ஆம் தேதி, கொள்ளை வழக்கில் கைது செய்யப்பட்டிருந்த AAP செயற்பாட்டாளர் தீபக் என்பவருக்கு நீதி கோரி, காவல் நிலையத்தில் போராட்டம் நடத்த சென்றபோது இந்தச் சம்பவம் ஏற்பட்டதாக தெரிவிக்கப்படுகிறது. காவல்துறை, அவர்கள் நிலையத்தில் குழப்பம் ஏற்படுத்தியதோடு, சமூக ஊடகங்களில் நேரலை ஒளிபரப்புகள் மூலம் பொதுமக்களைத் தூண்டியதாக குற்றம் சாட்டியுள்ளது.

ஜாமீனில் வெளியேறிய பின்னர், இசுதான் காத்வி, ஆளும் Bharatiya Janata Party (BJP)-ஐ கடுமையாக விமர்சித்தார். தன்னுடைய கைது, குஜராத்தில் AAP-க்கு அதிகரித்து வரும் ஆதரவால் BJP-க்கு ஏற்பட்ட பயத்தின் வெளிப்பாடாகும் என அவர் குற்றம்சாட்டினார்.

“போலீசார் சுயாதீனமாக செயல்படவில்லை; BJP-யின் உத்தரவின்படி செயல் படுகின்றனர். எங்களின் குரலை ஒடுக்க முயற்சி நடைபெறுகிறது. இது ஜனநாயகத்தின் கொலை என அவர் தெரிவித்துள்ளார்.

இதுபோன்ற சட்ட சவால்கள் கட்சியின் போராட்டத்தை தடுக்காது என்றும், மக்களிடமிருந்து பெரும் ஆதரவு கிடைத்துள்ளதாகவும் அவர் குறிப்பிட்டார் மறுபுறம், காவல்துறை இந்த கைது சட்டவிரோதக் கூட்டம் மற்றும் கலவரத்திற்கான அவசியமான நடவடிக்கை என தெரிவித்துள்ளது.

மாநிலத் தேர்தல் சூழலில் இந்த சம்பவம், குறிப்பாக சௌராஷ்டிரா பகுதியில், அரசியல் மோதல்களை மேலும் தீவிரப்படுத்தும் என எதிர்பார்க்கப்படுகிறது.