மினா அல்-அஹ்மதி சுத்திகரிப்பு நிலையம் மீது இன்று (03) ஆளில்லா விமானத் தாக்குதல் நடத்தப்பட்டுள்ளதாக தகவல்கள் வெளியாகியுள்ளன குவைத் பெட்ரோலிய நிறுவனம் வெளியிட்ட தகவலின்படி, இந்த தாக்குதல் சம்பவம் அதிகாரப்பூர்வமாக உறுதிப்படுத்தப்பட்டுள்ளது.

இந்த தாக்குதலின் காரணமாக சுத்திகரிப்பு நிலையத்தின் பல செயல்பாட்டு பிரிவுகளில் தீ விபத்துகள் ஏற்பட்டுள்ளதாக தெரிவிக்கப்பட்டுள்ளது. சம்பவத்திற்குப் பிறகு தீயை கட்டுப்படுத்தவும், நிலைமையை சீர்செய்யவும் அவசரகால மீட்புக் குழுக்கள் தீவிரமாக பணியாற்றி வருகின்றன.

இச்சம்பவத்தால் ஏற்பட்ட சேதம் குறித்து இதுவரை முழுமையான தகவல்கள் வெளியிடப்படவில்லை.

மினா அல்-அஹ்மதி சுத்திகரிப்பு நிலையம் குவைத்தின் மிகப்பெரிய மற்றும் மூலோபாய முக்கியத்துவம் வாய்ந்த எண்ணெய் உற்பத்தி மையங்களில் ஒன்றாகும். இது நாட்டின் எரிசக்தி ஏற்றுமதியில் முக்கிய பங்கு வகிப்பதால், இந்த தாக்குதல் சர்வதேச மட்டத்திலும் கவனத்தை ஈர்த்துள்ளது.