அமெரிக்கா, ஈரான் மீது மேற்கொள்ளும் இராணுவ நடவடிக்கைகளில் நீண்ட தூரத் தாக்குதல் ஏவுகணைகளை அதிகளவில் பயன்படுத்தி வருவதாக தகவல்கள் தெரிவிக்கின்றன.

இந்த நடவடிக்கைகளுக்காக பசிபிக் பிராந்தியத்தில் இருந்த கையிருப்புகளில் இருந்து ஏவுகணைகள் மாற்றப்பட்டு, மத்திய கட்டளைத் தளங்களுக்கும் இங்கிலாந்தில் உள்ள விமானத் தளங்களுக்கும் அனுப்பப்பட்டுள்ளதாக கூறப்படுகிறது.

போரின் முதல் நான்கு வாரங்களிலேயே ஆயிரத்துக்கும் மேற்பட்ட நீண்ட தூர ஏவுகணைகள் பயன்படுத்தப்பட்டுள்ளதாகத் தகவல்கள் வெளியாகியுள்ளன. இதனால் அமெரிக்காவின் இத்தகைய ஆயுதக் கையிருப்பு கணிசமாகக் குறைந்துள்ளதாக மதிப்பிடப்படுகிறது.

இந்த ஏவுகணைகள் 600 மைல்களுக்கு மேல் தூரத்தை கடந்து, எதிரியின் வான் பாதுகாப்பைத் தவிர்த்து துல்லியமாக தாக்கும் திறன் கொண்டவை. குறுகிய தூர ஏவுகணைகளுடன் சேர்த்து, அமெரிக்காவின் பெரும்பாலான கையிருப்பும் இந்த போரில் பயன்படுத்தப்பட்டுள்ளதாக கூறப்படுகிறது.

பிப்ரவரி 28 முதல் அமெரிக்கா மற்றும் இஸ்ரேல் இணைந்து மேற்கொண்ட தாக்குதல்களின் பின்னர், ஏவுகணைகள் மற்றும் பாதுகாப்பு ஆயுதங்களின் விநியோகம் சவாலாக மாறியுள்ளது. பயன்படுத்தப்பட்ட ஆயுதங்களை மாற்றுவதற்கு பல ஆண்டுகள் உற்பத்தி தேவைப்படும் என மதிப்பிடப்படுகிறது.

இந்நிலையில், ஆயுத உற்பத்தி நிறுவனங்கள் உற்பத்தி அளவை அதிகரிக்கத் திட்டமிட்டுள்ளன.

அதேவேளை, ஈரான் தனது பதிலடி நடவடிக்கைகளில் ஆயிரக்கணக்கான ஏவுகணைகள் மற்றும் ட்ரோன்களை பயன்படுத்தியுள்ளதாக தெரிவிக்கப்படுகிறது.

இதனால் பிராந்திய பதற்றம் மேலும் அதிகரித்துள்ளதுடன், அமெரிக்காவின் நீண்டகால இராணுவத் திட்டங்கள் குறித்தும் கவலைகள் எழுந்துள்ளன.