டொனால்ட் டிரம்ப், டெஹ்ரான் ஒரு ஒப்பந்தத்தை ஏற்க அல்லது “கடுமையான விளைவுகளை” எதிர்கொள்ள 48 மணி நேர அவகாசம் வழங்கியுள்ளதாக தெரிவித்தார்.

ஈரானிய அணுமின் நிலையம் அருகே இடம்பெற்ற தாக்குதலால் வெளியேற்ற நடவடிக்கைகள் மேற்கொள்ளப்பட்ட நிலையில், டெஹ்ரான் புதிய தாக்குதல்களை அறிவித்துள்ளது. மேலும், இஸ்ரேல் இராணுவம் யேமன் நோக்கில் இருந்து ஏவுகணை ஏவப்பட்டதை கண்டறிந்ததாக தெரிவித்துள்ளது.

இந்நிலையில், ஈரான் புரட்சிகர காவல்படை, பஹ்ரைன் அருகே ஒரு வர்த்தகக் கப்பலைத் தாக்கியதாக கூறியுள்ளது. அதேசமயம், ஹோர்முஸ் ஜலசந்தி வழித்தடத்தில் தனது கட்டுப்பாட்டை ஈரான் தொடர்ந்து வலுப்படுத்தி வருகிறது.

இதற்கிடையில், குஜெஸ்தான் மாகாணத்தில் உள்ள பெட்ரோ கெமிக்கல் நிலையம் மீது நடத்தப்பட்ட தாக்குதலில் ஐந்து பேர் உயிரிழந்ததாக அதிகாரிகள் தெரிவித்துள்ளனர்.

அமெரிக்கா மற்றும் இஸ்ரேல் இணைந்து மேற்கொண்ட தாக்குதல்களின் பின்னர், ஒரு மாதத்திற்கும் மேலாக நீடித்து வரும் இந்த மோதல் மத்திய கிழக்கு முழுவதும் பரவியுள்ளதுடன், உலக பொருளாதாரத்தையும் பாதித்துள்ளது. குறிப்பாக, முக்கிய எண்ணெய் மற்றும் எரிவாயு போக்குவரத்து பாதையான ஹோர்முஸ் ஜலசந்தி மூடப்பட்டதால் சர்வதேச சந்தைகளில் அதிர்வு ஏற்பட்டுள்ளது.

“ஒப்பந்தம் செய்ய அல்லது ஹோர்முஸ் நீரிணையைத் திறக்க நான் முன்பு அவகாசம் வழங்கியிருந்தேன். இப்போது நேரம் முடிவடைந்துள்ளது,” என டிரம்ப் தெரிவித்துள்ளார்.

இதற்கு பதிலளித்த ஈரான் மத்திய இராணுவ கட்டளை, இந்த எச்சரிக்கையை நிராகரித்ததுடன், “இத்தகைய அச்சுறுத்தல்கள் உதவியற்ற மற்றும் பொறுப்பற்றவை” என தெரிவித்துள்ளது. மேலும், எதிர்வினையாக கடுமையான நடவடிக்கைகள் எடுக்கப்படும் எனவும் எச்சரித்துள்ளது.