இஸ்ரேல் தனது நோக்கங்களை அடைய ஈரான் ஒருபோதும் அனுமதிக்காது என இஸ்ரேலிய இராணுவத் தலைமைத் தளபதி ஐயல் ஜமீர் தெரிவித்துள்ளார்.

ஜெருசலேமில் நடைபெற்ற நினைவு தின நிகழ்வில் பேசிய அவர், இஸ்ரேலை அழிக்க முயற்சி செய்து வரும் ஈரானுக்கு எதிராக முன்னெப்போதும் இல்லாத அளவில் தீவிரமான இராணுவ நடவடிக்கைகள் மேற்கொள்ளப்பட்டு வருவதாக கூறினார்.

மேலும், லெபனானில் புதிய பாதுகாப்பு சூழலை உருவாக்கும் நோக்கில் இஸ்ரேல் செயல்பட்டு வருவதாகவும், இது வடக்கு பகுதிகளில் வாழும் மக்களின் பாதுகாப்பை உறுதி செய்யும் என்றும் அவர் குறிப்பிட்டார்.

இஸ்ரேலிய வான் படை முழுமையாக தயார் நிலையில் உள்ளதுடன் இலக்குகள் முன்கூட்டியே தீர்மானிக்கப்பட்டுள்ளதாகவும் தேவையான நேரத்தில் உடனடியாக தாக்குதல் நடத்த தயாராக இருப்பதாகவும் அவர் எச்சரித்தார்.

ஈரான் மற்றும் அதனுடன் தொடர்புடைய குழுக்களுக்கு எதிராக அமெரிக்கா மற்றும் இஸ்ரேல் இணைந்து மேற்கொண்டு வரும் நடவடிக்கைகளின் பின்னணியில், இந்த உரை முக்கியத்துவம் பெறுகிறது.