இரான் துணை இராணுவ புரட்சிகர காவல்படை ஹோர்முஸ் நீரிணை பகுதியில் ஒரு கொள்கலன் கப்பல் மீது துப்பாக்கிச் சூடு நடத்தியதாக தகவல்கள் வெளியாகியுள்ளன. இந்த சம்பவம் பிராந்திய பதற்றத்தை மேலும் அதிகரித்துள்ளது.

பிரிட்டிஷ் இராணுவத்தின் United Kingdom Maritime Trade Operations மையம் வெளியிட்ட தகவலின்படி, இந்த தாக்குதல் காலை 7:55 மணியளவில் இடம்பெற்றுள்ளது. ஒரு காவல் துப்பாக்கிப் படகு கப்பலை எச்சரித்த பின்னர்அதனை குறிவைத்து துப்பாக்கிச் சூடு நடத்தப்பட்டதாக தெரிவிக்கப்பட்டுள்ளது.

இந்த தாக்குதலில் உயிரிழப்புகள் எதுவும் பதிவாகவில்லை என்றும், சுற்றுச்சூழல் பாதிப்புகளும் ஏற்படவில்லை என்றும் கூறப்பட்டுள்ளது இந்த சம்பவம் குறித்து Fars News Agency மற்றும் Tasnim News Agency ஆகியவை செய்தி வெளியிட்டுள்ளன.

உலகளாவிய கச்சா எண்ணெய் மற்றும் இயற்கை எரிவாயு வர்த்தகத்தில் சுமார் 20% பரிமாற்றம் நடைபெறும் முக்கிய கடல் வழிப்பாதையான ஹோர்முஸ் நீரிணையில், தங்களது கட்டுப்பாட்டை சட்டபூர்வமாக செயல்படுத்துகின்றோம்” என ஈரான் தரப்பு வலியுறுத்தியுள்ளது.

அதேவேளை, இந்த நீரிணை ஓமன் மற்றும் ஈரான் கடற்பரப்புகளுக்குள் இருந்தாலும் சர்வதேச கப்பல் போக்குவரத்துக்கான முக்கிய நீர்வழிப்பாதையாக கருதப்படுகிறது.

இந்த சம்பவம் அண்மையில் அமெரிக்கா இராணுவம் ஒரு ஈரானிய கப்பலை கைப்பற்றியதையடுத்து ஏற்பட்ட பதற்றத்தின் தொடர்ச்சியாக பார்க்கப்படுகிறது. இது மத்திய கிழக்கு பிராந்தியத்தில் நிலவும் நெருக்கடியை மேலும் தீவிரப்படுத்தியுள்ளது.